|
ერთმა ქალმა ამას წინათ გულიანად გამაცინა, - დამავიწყა ასაკი და რაც მომაგეს წლებმა წინათ... დაიფიცა, დამაფიცა მაკოცა და მაკოცნინა, ცივი ნაზამთრალი ზეცა გაათბო და გააბრწყინა. არც აცხელა, არც აცივა - ჭირი მომაჩვენა ლხინად... "სიყვარულსა მალვა უნდა" წამოსვლისას გამაფრთხილა. ვუპასუხე - საყვარელო, ნუ შემიცვლი ლხინსა ჭირად, ნამალავი სიყვარული აღარა ღირს არცა ჩირად!.. არაფერი მიპასუხა, დაფიქრდა და გაეცინა... |
