|
მზე იცინის, ვარდფურცლობის დარია და შენს ქოხთან გუგუნია თელების... კარში გამო, ჭია-ჭია მარია, არას გავნებ, მხოლოდ მოგეფერები... ყაყაჩო ჩანს ცის და მიწის სიცილში... გავიმარჯვეთ, ჭია-ჭია მარია, ბარბაროსი დაულეწავს ციციშვილს... ჩვენი მოსვრა, აბა როგორ ინდომეს? გავიმარჯვეთ, ჭია-ჭია მარია, ვუგალობოთ ჩვენს სამშობლოს მინდორ-ველს... ზღვად დარხეულ მინდორს გაუხარია, დინჯად მისდევს კვალში ძველი გუთანი... ვერ წაიღებს ხორბალს სულთამხუთავი... ბაღ-ბოსტნებში თოხნიან და ბარავენ... ზღვად დარხეულ მინდორს გაუხარია, ბელტს აბრუნებს - ეს ნიკორა ხარია... მოფრინავენ ცი-ცი-ცინათელები... ჩვენთან მუდამ გათენების დარია, ჩვენი ხმლის ქვეშ მტერს არ გაეთენების... გუ-გუ - გუ-გუ გუგუნებენ თელები, მზეი დაცხრა, ყვავილების ქარია, ჩურჩულებენ მოლზე ნაირფერები, არას გავნებ, მხოლოდ მოგეფერები, მზეი დაცხრა, ყვავილების ქარია, ჩურჩულებენ მოლზე ნაირფერები. |
