|
ბურთი თუ მაქვს, მოედანი არ მაქვს, ტყე ჩემია, მე მიგებენ ხაფანგს, ანკესი მაქვს, ზღვას კი თევზი არ ჰყავს. სარკე კი მაქვს, მასში ვინც სჩანს არ მგავს.
კალამი მაქვს, ვერ დავწერე სტროფი, საფულე მაქვს, შიგნით არ დევს ფული, მანქანა მყავს, არ ტრიალებს რული.
სიზმრად ვხედავ ჟირაფს მოკლე კისრით, ძაღლები მყავს, მაგრამ მე ვერ მცნობენ, ქალები მყავს, ჩემს ლექსებს ვერ გრძნობენ.
სამშობლო მაქვს, გასაყიდად გამაქვს, გავაგრძელო შევძლებ?! - თუმცა კმარა. ბიბლია მაქვს და რწმენა კი არა. |
პოეზიის გვერდი • • •  • • • ნიკო გომელაურის პოეზია |
