|
ცოცხალ დედინაცვალს, მკვდარი დედაჩემი მირჩევნია, ამდენ ყალბ ღიმილს ერთი წრფელი ცრემლი მირჩევნია.
აბალახებული მიწა მირჩევნია, უცხო ლიანდაგს ჩემი საცალფეხო ბილიკი მირჩევნია.
დაუმადლებელი წყალი მირჩევნია, ლხინს გალიაში ცაში სიკვდილი მირჩევნია.
უფლის გაცრეცილი კვართი მირჩევნია, უაზრო ლაპარაკს უაზრო ხეტიალი მირჩევნია.
აშკარა მტრობა მირჩევნია და ამდენ ტრაბახს, სულაც ხმის ჩაწყვეტა მირჩევნია.
გაგიჟებული გული მირჩევნია და ამდენ მაძღარ ძაღლს, ერთი მშიერი მგელი მირჩევნია.
ერთი საშობაო სანთელი მირჩევნია, და ცოცხალ დედინაცვალს მაინც, მკვდარი დედაჩემი მირჩევნია. |
პოეზიის გვერდი • • •  • • • მორის ფოცხიშვილის პოეზია |
