|
ღმერთო, მიცოცხლე მეგობრები, ვინც დღემდე მომყვა! რა სიცოცხლეა! - სიცოცხლე თუ უმეგობროა?! თავს უმეგობროდ (ღმერთმა ნუ ქნას!) - იგრძნობ როგორღა! - თვით მეგობრებში ხარ როდესაც ხანდახან ობლად.
უკვდავების რომც იყო წყარო! რა ოხრად გინდა! - ოქსინოსი გესხას ლაბადა! უკეთუ შენი კარგი საქმით არავინ ხარობს! - თუ გინდ, ყალბადა!
მიცოცხლე მეგობრები, ვინც დღემდე მომყვა! ზოგი ტლანქია, ზოგი - რბილი, ვითარცა თოქმა, ხეირიანად ლაპარაკიც არ იცის ზოგმა! - რა ვუყოთ მერე! - მთავარია, - არ იყო ბოღმა!
მიცოცხლე მეგობრები, ვინც დღემდე მომყვა! |
