|
კაცი ის არის, ცხოვრება ვინც გაატარა ჭამაში და კაცის დანიშნულება მხოლოდა ჰპოვა ამაში.
ქუჩაში სალამს არ გაძლევს, თუ დაჰპატიჟე სადილად, დიდ ჯიუტობას არ გასწევს.
შეჰსტრფის, შეჰხარის ღვინოსა და ჰსახავს იდეალადა სალხინო სამიკიტნოსა.
არა კითხულობს გაზეთსა, წიგნისთვის შაურსა ჰზოგავს, მეარღნეს აძლევს მანეთსა.
ქართლსა, იმერეთს, კახეთსა, საკუთარს ანბანს შეუდგენს სამეგრელოს და სვანეთსა.
ვინაც ატარა ტკბილადა, - სიკვდილის შემდეგ იწოდა დიდყურიანის შვილადა. |
