მთარგმნელი: სავლე აბულაძე
|
ჩემი დღეები დაყოვნებით მიმართება და დამჭკნარ გულში თითეული წუთი ამრავლებს უსიხარულო სიყვარულის ყველა ვაებას და უმძიმესი გაშმაგების მთელ სივალალეს.
მე ცრემლებს ვაფრქვევ; ცრემლებია ჩემი ნუგეში; ჩემი სულია დღეს კაეშნით შემოზღუდული და მწარე სიტკბოს ეწაფება მის ბნელ უბეში...
ფუჭო ჩვენებავ, წყვდიადშივე იქმენ ჩანთქმული, ჩემთვის ძვირად ღირს სიყვარულის ჩემი წამება, და, დაე, მოვკვდე, მაგრამ მოვკვდე კვლავ მოყვარული! |
