|
არის სიყრმეს და სიმწიფეს შორის შესვენების თუ სიმორცხვის ჟამი, ფრთამოტეხილი შეგრჩება ქორი, ჯამში დაშრება სპეტაკი შხამი.
გამხდარ თითებში მიქრება ალი. პირველი ცეცხლის დახარჯვას ვნანობ. როგორ ავანთო ფურცელზე ბწკარი!
როგორ ვამგვანო აპრილის კოკორს ანუ ოსტატის მაცდური ხელი აღსარებისთვის აღვმართო როგორ!
ოჯახში ბუხარს მივეკრა ლამის. არის სიყრმის და სიმწიფეს შორის სინანულის თუ სიმორცხვის ჟამი!
ველი დაჭკნა და ბაღშიაც მოთოვს. მინდა მიწაზე ცხოვრება ჩემი, ჰგავდეს ქარიშხალს და არა ფოთოლს.
გამივარჯიშე მარჯვენა მალე! მტირალი მოველ მიწაზე ღამით, უკან სიმღერით მიმიღოს ღამემ.
გუმანის იჭვით ამოვშრე ლამის. არის სიყრმის და სიმწიფის შორის შესვენების და სიმორცხვის ჟამი! |
