შენს უთქმელ სიტყვას მათრახად

გირტყამს

დრო და, ცხადია, გიშლიან ნერვებს,

საწუთროს მიერ აქ დასმულ კითხვას,

თვითონ საწუთრო პასუხობს მერე.

ადრე თუ გვიან იქნება ბრძოლა,

შუქს მიაბჯენენ შუბივით ჭერემს,

დრო ანადგურებს არსებულს ყოვლად

და დრო აღადგენს არსებულს მერე.

გზა უგზოობას მგზავრივით ადგას,

რომ უგზოობაც გზად ექცეს სერებს, -

ვინც იბადება, ის კვდება, რადგან

კვლავ იბადება ცოტა ხნის მერე.