კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
პარასკევი, 29 აგვისტო 2025 19:45

 

 

 

ღმერთმა გაშოროს ფათური,

ძიძგილაობა, ჯიბრი,

არაქართული ქართულით

აზვირთებული წიგნი.


არამხატვრული მხატვრული,

ვით უდარდელი დარდით

არაკაცურად ნატრული

ანგელოსური მადლი.


არაჯალათი ჯალათის

შუბი წამახულ წვერით,

არა ძმაკაცი ძმაკაცი

და არამტერი მტერი.


გაშოროს სხვათა ნათესი,

ჯილდო ნაყიდი ვერცხლით,

უსიყვარულო ალერსი

და უსინათლო ცეცხლი.


პოეზიის გვერდი   • • •   პოეზია - მორის ფოცხიშვილი  • • •   მორის ფოცხიშვილის პოეზია

შეიძლება დაგაინტერესოთ