იეთიმ გურჯი - კაცი მეგონე

კაცი მეგონე, გველი ყოფილხარ

და კაცის ტყავში გამოხვეული,

კაცი მეგონე, მაგრამ მოვტყუვდი,

ქვეშმძრომელი ხარ და გამყიდველი.

გარედან სადა, შიგნიდან ჭრელი,

გული გესლით გაქვს ამოვსებული.

ამხანაგოო, - თანაც მეძახი

პირზე ბადე გაქვს აფარებული.

რატომ არ გინდა რომ კაცი იყო,

გესლიანობას ანებო თავი,

სიყვარულს სთესდე ამქვეყნად მარად,

რომ არ დასტოვო სახელი ავი.

პატიოსნება მაღლა ვაყენოთ,

ძმურად ვიცხოვროთ ამსოფლად ყველამ,

ვინ რა წაიღო საიქიოში,

რომ შენ წაიღო გველმა და მელამ.

შეიძლება დაგაინტერესოთ