იეთიმ გურჯი - ვინც რო ლხინი არ იცის

ვინც რო ლხინი არ იცის,

ქვეყანაზე რად არი,

ვინც რო ფულზე ლოცულობს,

დასამარხად ღრმად არი.

ზოგი ღორი კაცუნა

მუქთად ჭამა-სმად არი,

სხვის სუფრაზე გორაობს,

თვითონ სხვისთვის ბრმად არის.

ზოგსაც უყვარს ქეიფი,

თან კი ჯიბე თხლად არი,

უნამუსოდ გაძღება,

გასაპარად მზად არი.

დახარჯავს და წაიღებს,

თან თვითონ მწყრალად არი,

ვალებს ისე გაურბის,

როგორც ღორსა თათრი.

ვინც ხარჯავს და არ აძლევს,

ის სვინდისთან მტრად არი,

თავის სისულელობით

ყველგან პირშავად არი.

ვინც მარიფათს არა სცნობს,

გაუთლელი ქვად არი,

პურადი და ბილანი -

ის კი ყველგან ძმად არი.

ჭირში, ლხინში მოძმესთან

მუდამ მეგობრად არი,

ვის რა ფერად შეღებავს,

იეთიმ-გურჯი მზად არი.

შეიძლება დაგაინტერესოთ