ბაბილინა ხოსიტაშვილი - დედის სიმღერა

მძინარე ბავშვი ჩავკეტე სახლში,

სამუშაოზე გამოველ დედა,

ის გაიღვიძებს და ბევრს იტირებს,

ჩამოვარდება, დამახინჯდება.

მძინარე ბავშვი ჩავკეტე სახლში,

წაუსვლელობა არ მოხერხდება,

მე იმა დედას შევნატრი ახლა,

ვისაც თაროზე პური ექნება.

შინ როდის უნდა შემოტრიალდე,

ცრემლი მერევა, გავრბივარ, ვმღერი

ახლა ვიცინი…და ესღა მაკლდა

ნუთუ დამიდგა სიგიჟის ჯერი!

შინ მალე უნდა შემოვტრიალდე,

სამუშაოდან - დავტოვე ბავშვი,

ფიქრმა დამღალა თუ მუშაობამ

აზრები აღარ ირკვევა თავში.

შეიძლება დაგაინტერესოთ