|
დიდი იყავ!.. გფარეთ მკერდით!.. გკვებეთ სისხლით!.. გალბეთ ოფლით!.. დღეს, ერთად რომ მოვკვდეთ შენთვის, საფლავებად არ გვეყოფი!..
ახატია სხვების რუკებს! წარიტაცა ზოგმა ძალით!.. ზოგს მიჰყიდეს... ზოგს აჩუქეს!..
დაგვრჩი მარად!.. დაგვრჩი ხორცად!.. დაგვრჩი ძვლებად!.. დაღუპვისგან დაგვიფარავს მარტო შენი დასიზმრება!..
საქართველოს გეტრფით ახალს!.. იცოცხლე და, სულ ერთია, დიდი ხარ თუ პატარა ხარ!..
ერის მშვენი! ენის მშვენი!.. არ ყოფნიდეს აკვნებადაც შვილთა შენთა ტყენი შენი!..
გფარეთ მკერდით!.. გკვებეთ სისხლით!.. გალბეთ ოფლით!.. დღეს, ერთად რომ მოვკვდეთ შენთვის, საფლავებად არ გვეყოფი!.. |
პოეზიის გვერდი • • •  • • • ზაურ ბოლქვაძის პოეზია |
