თერგი, სხვისი თვალით, შეჰხარის ზღვას,

ენგურს, ჩვენი თვალით, ზღვა უვსებს თვალს...

ჭირს ჩვენსას ჩვენსავით გაიგებს სხვა?! -

გაჩერდი ერთი თუ ღმერთი გწამს.

წინაპრებს ვიგონებთ, ჩვენ როცა ვსვამთ,

ხანდახან სხვისასაც ჩვენ ვტირით მკვდარს...

ჭირს ჩვენსას ჩვენსავით გაიგებს სხვა?! -

გაჩერდი ერთი თუ ღმერთი გწამს.

მავანი სხვის ხელში უკეთ გრძნობს თავს,

ჩვენ სიკვდილ გვირჩევნავ სიცოცხლე ავს...

ჭირს ჩვენსას ჩვენსავით გაიგებს სხვა?! -

გაჩერდი ერთი თუ ღმერთი გწამს.