იონა ვაკელი - სულზე მეტად

შეიყვარე სულზე მეტად შენი ერი,

იდღეგრძელოს, უძლეველი იყოს მარად,

ეს შუადღეც, ნათელი და სასურველი -

ასე ივლის მუდამ კეთილ თანამგზავრად.

დაე, იყოს ყველგან დიდი სიხარული,

დაკეტილი არვის ჰქონდეს სახლის კარი,

ბაღებიდან გვიღიმოდეს ვარდის გული

და მინდვრებზე ბიბინებდეს კოინდარი.

ახარებდეს გულს ბავშვების ჟრიამული -

გრძნობით სავსე, კეთილი და უწმინდესი,

ნუმც დამჭკნარა ნიადაგში ძირგადგმული

ჩვენი ხალხის უკვდავი და გამძლე ფესვი!

შეიძლება დაგაინტერესოთ