უფალმა შეგქნა მიწიდან,

მოგცა ჭკუა და ღონეო;

დღითი დღე სწავლა ეძებე,

რაც გითხრა, გამიგონეო.

იგი მიეცი ყოველ კაცს,

რაც კი რამ მოიგონეო;

ისწავლე პირველად წიგნი,

სუყველას ჩააგონეო!

უთხარი: ხელი გასძარი,

რაც გითხრა, გაიგონეო;

ქართველი კაცი გმირი ხარ,

ძილს როგორ დაემონეო!..

ეცადე, სწავლა მიიღო,

მკლავში ხომ გიდგა ღონეო;

ისმინე ჩემი ნათქვამი,

რაც გითხარ, დაიხსომეო.

სწავლაა ბნელის ფარანი

და ამ ქვეყნისა ღონეო;

ქართველი კაცი გმირი ხარ,

ძილს როგორ დაემონეო!..