მიხარია, რომ ახალ წელს

სინათლეა ყველა სახლში,

ციმციმებენ შუშხუნები,

ფეირვერკსაც ნახავ ცაში,

განათდება ყველა ქუჩა,

ცისარტყელას შვიდი ფერით,

აინთება ნაძვის ხეზეც

ნათურები ნაირფერი.

არ დავმალავ ზამთრის ყინვას,

მირჩევნია გაზაფხული,

თოვლის ფანტელს, მშვენიერი

ყვავილების თაიგული,

მაგრამ ნახე, საახალწლოდ

აციმციმდა არემარე,

მზადებაა ყველა სახლში,

მეც ამიტომ გავიხარე.