პირველი გაზაფხულია,

ბიჭო გავიდეთ ველადა,

მინდორი ამწვანებულა,

ბიბინებს სანატრელადა.

მზე გამოფოთლილ ჭალა-ტყეს

დაჰყურებს ცხარე თვალითა,

აქ-იქ ქურდულად დარჩენილს

თოვლს ანადგურებს ძალითა.

ბუჩქების ძირში ჯგუფ-ჯგუფად

ამოფეთქილან იანი,

იქვე ფარფატებს პეპელა,

ნაზი, ფრთა-წინწკლებიანი.

მერცხლებიც დანავარდებენ,

სამშობლოს ნახვით ტკბებიან,

ია ხომ აყვავებულა,

ვარდებიც გაიშლებიან!