რატომ სტირი პაწაწინა ყვავილო,

გათოშილხარ, თვალები გაქვს სველი,

მეც შენსავით პაწაწინა ჩიტი ვარ,

და გაზაფხულს მოუთმენლად ველი.

ნუ, ნუ სტირი პაწაწინა ყვავილო,

გაზაფხულიც მალე, მალე მოვა,

მოდი ერთად ვიცეკვოთ და გავთბებით,

აღარ გვინდა, აღარ გვინდა გლოვა.

მოითმინე, გაზაფხული მოვა და

ვეღირსებით ცხოველი მზის სხივებს,

ჭრელ ქულაჯებს შევიკერავთ მე და შენ,

გავიკეთებთ დილის ნამის ღილებს.