|
გაფითრებული და სევდიანი დღე ეფინება მინდვრებს მოთელილს, გესმის ძვირფასო ჩუმი შრიალი - ეს სიმღერაა ხმელი ფოთლების. ირგვლივ სხვა უვლის, წყლის პირას ბუჩქებს უჩანთ წვივები, ყური დაუგდე, გესმის ხმაური - ეს სიმღერაა შორი წვიმების. მზით ნაფერები, თვლემს დაყრდნობილი მთების ყავარჯნებს, დაიმახსოვრე, ეს სიმღერები მოგენატრება კიდევ მრავალჯერ. ბოლო სურვილსაც სანამდე ჟამი სულ მთლად მინისლავს - სიმღერა ჩვენი სიყვარულისა, სიმღერა ჩვენი სიყმაწვილისა. |
