|
გუშინ რა ცეცხლი სწვავდა ქუთაისს! დღეს რომ ტფილისსაც სწვდეს იგივ ალი, ჩვენი გული გრძნობს ცეცხლიან მაისს და ცრემლებს მაინც არ დაღვრის თვალი.
გაუნადგურდა კერა და ნიში, დღეს რომ იგივე დაატყდეს ტფილისს ჩვენს გულში მაინც არ შევა შიში!
გულში არ იქნას ღელვა და კრთომა. რასაც დღეს ცეცხლი გაანადგურებს, ხვალ გულდაგული აღადგენს შრომა.
ეხლა კი მასის გრგვინვა გაისმა: კერძო დარდები, სიგულმავიწყე გადაგვავიწყოს ათმა მაისმა!..
ო, გადამწვარო სახლო და შროშა, რა თანაგრძნობით შენს წინ იხრება დღეს პოეზიის მაღალი დროშა.
გულს არ ჩაიდო შიში და კრთომა, რასაც დღეს ცეცხლი გაანადგურებს, ხვალ გულდაგული აღადგენს შრომა. |
ლექსები ქუთაისზე • • •  • • • გალაკტიონ ტაბიძის პოეზია |
