სკოლამდელი და დაწყებითი ასაკის ბავშვების სასწავლო პროგრამა - ნახატისა და ნაწერის გარჩევა (ოცდამეთექვსმეტე მეცადინეობა)

ნახატისა და ნაწერის გარჩევა

ამ მეცადინეობაზე ბავშვები შეისწავლიან სიტყვების შემდეგ დახატულ და წერით გამოსახულებებს: ბაყაყი, ჩოჩორი, პეპელა და შოშია.

პროცედურაც ნაცნობი მეთოდით წარიმართება:

პედაგოგი ბავშვებს უჩვენებს ცხოველის, ფრინველის, მწერისა და ამფიბიას სურათებს, სათითაოდ განიხილავს თითოეულ მათგანს მოსწავლეების უშუალო მონაწილეობით; გააანალიზებს სურათსა და ნაწერ გამოსახულებებს, ავარჯიშებს ბავშვებს ინდივიდუალურად და ჯგუფურად.


ბაყაყი	ჩოჩორი	პეპელა	შოშია

აქ რა ხატია? - მიუთითებს ისევ პედაგოგი სურათებზე, - რა წერია ქვემოთ?

საუბრის, ყველა მათგანის გამოცნობის, შესაბამისი წარწერების ჩვენებისა და ნახატისა და ნაწერის შეჯერების შემდეგ პედაგოგი ასკვნის: დიახ, დაფაზე, ზემოთ მოთავსებულია: ბაყაყის, ჩოჩორის, შოშიასა და პეპლის გამოსახულებები. ნახატების ქვემოთ კი, შესაბამისად, მათი წერილობითი ტექსტები.

ტექსტისა და ნახატის უკეთ შესწავლისა და განმტკიცების მიზნით, მასწავლებლის მიერ ჩატარდება ექვსივე პროცედურა.