სკოლამდელი და დაწყებითი ასაკის ბავშვების სასწავლო პროგრამა - ნახატისა და ნაწერის გარჩევა (ოცდამეჩვიდმეტე მეცადინეობა)

ნახატისა და ნაწერის გარჩევა

ამ მეცადინეობაზე ბავშვები შეისწავლიან სიტყვების შემდეგ წერით და დახატულ გამოსახულებებს: მზესუმზირა, ყაყაჩო, ტყემალი, ჯეჯილი და თავთავი.

პროცედურაც ნაცნობი მეთოდით წარიმართება:

პედაგოგი ბავშვებს უჩვენებს სასარგებლო მცენარეების, მზესუმზირას, ტყემლის და ა.შ სურათებს. სათითაოდ განიხილავს თითოეულ მათგანს მოსწავლეების უშუალო მონაწილეობით; გააანალიზებს სურათსა და ნაწერ გამოსახულებებს და ავარჯიშებს ბავშვებს ინდივიდუალურად და ჯგუფურად.


მზესუმზირა	ყაყაჩო	ტყემალი	თავთავი	ჯეჯილი

აქ რა ხატია? - მიუთითებს ისევ პედაგოგი სურათებზე, - რა წერია ქვემოთ?

საუბრის, ყველა მათგანის გამოცნობის, შესაბამისი წარწერების ჩვენებისა და ნახატისა და ნაწერის შეჯერების შემდეგ პედაგოგი ასკვნის: დიახ, დაფაზე, ზემოთ მოთავსებულია: მზესუმზირის, ყაყაჩოს, ტყემლის, თავთავისა და ჯეჯილის გამოსახულებები. ნახატების ქვემოთ კი, შესაბამისად, მათი წერილობითი ტექსტები.

ტექსტის შესწავლისა და განმტკიცების მიზნით, მასწავლებლის მიერ აუცილებლად ჩატარდება ექვსივე პროცედურა.