ისევ ქუჩა მათხოვრებით სავსეა
ისევ ქვეყნად ხალხის გმინვა გაისმის
მე რაც მახსოვს აქ ყოველთვის ასეა
ქართველია დათვრება და გაისვრის
შეხედავ და გული გაგებზარება
თუნდაც სხვებში აირჩიო მხოლოდ ის
ქართველია მოსვლა დაეზარება
და არასდროს წამოგყვება ბოლომდის
ხოდა რას ვთხოვ ვიღაც ქუჩის ლაწირაკს
საკუთარი რომ დამალოს ცოდვები
ქართველია რა თქმა უნდა გაგწირავს
და ერთ წამსაც კი არ შეეცოდები
უფრო მეტიც მთელი ძალით ეცდება
გაგამწაროს როგორც ხელი შეწვდება.
