მაშინ სასწრაფოდ მოიტანა იაოანე ეპისკოპოსმა სუდარა დედოფლის წმიდათაწმიდა და პატიოსანი ძვლების შესახვევად.
მღვდლებმა აიღეს წმინდანის ცხედარი, მატლებისგან დაჭმული, განბანეს და შემოსეს სუდარით. იოანე და აფოც ეპისკოპოსებმა, როგორც დაუღალავმა ზეციურმა ხარებმა, იქ მყოფებთან ერთად, ფსალმუნებით, ანთებული ლამპრითა და საკმევლის კმევით გამოიტანეს მისი წმინდა ძვლები ეკლესიიდან და დაკრძალეს იმ ადგილას, სადაც წმინდანმა დაიბარა.
ის ღამე გაათენეს და ფსალმუნების კითხვით ადიდებდნენ ყოვლისშემძლე უფალს.
შუშანიკი 17 ოქტომბერს, სანატრელი კოზმა და დამიანეს ხსენების დღეს გარდაიცვალა.
ხუთშაბათს განწესდა წმინდა შუშანიკის ხსენების დღე, სადიდებლად და საქებრად უფლისა, მამისა და ძისა და წმინდისა სულისა, რომელსაც მოსავს დიდება უკუნითი უკუნისამდე, ამინ.
_1593694616.webp)
_1593696057.webp)
