|
მიჭირს, რა თქმა უნდა, მიჭირს, რადგან საქართველოს უჭირს, - გამო - გასხვისებულ მიწის, ფიცად ვერშეკრული მუჭის. გამო - ნაცვლად ჩემი დროშის - მოფრიალე სხვისი ჭინჭის, გამო - ჭრელაჭრულა დროში ვერადმოსახმარი ნიჭის ძმას რომ ძმობა ვერ უგრძვნია, რომ არა აქვს ძმობის ნიჭი, - გასაძლისი არის ძნიად, სწორედ, ამიტომაც მიჭირს. გული მაინც ვერ გარიყავს ნდომას ჰანიბალის ფიცის, ვიცი, რაიც უნდა იყოს, როდის უნდა იყოს - ისიც!... |
