|
I
ჩემს მამულზედ უკეთესი სად არი? იგია თვით სამოთხისა სადარი; მაგრამ ვაი, რომ მის ჭვრეტით ვერ ვტკბები, უცხო-უცხო მხარეებში ვბერდები! თუ სამშობლოს ხილვა აღარ მერგება, მომკალ ბარემ, - რაც ვიტანჯე, მაკმარე და მკვდარს მაინც იქ მაღირსე სამარე!..
II
ჩემს სატრფოზედ უკეთესი ვინ არი? იგია თვით ანგელოზი მცინარი; მაგრამ ვაი, რომ მის ჭვრეტით ვერ ვტკბები, მისს ალერსსა მოკლებული ვბერდები! თუ საყვარლის ხილვა აღარ მერგება, მომკალ ბარემ, - ტანჯვას გადამარჩინე და მკვდარს მაინც მის ცრემლი დამადინე!.. |
პოეზიის გვერდი • • •  • • • დუტუ მეგრელის პოეზია |
