|
ღამით, ახალ წელიწადს, თორმეტი რომ გახდება, ნეტავ ყველას განახათ - კოჯრის ტყეში რა ხდება.
მარდნი, თმახუჭუჭები და ნაძვის ხეს ტანმაღალს ეხვევიან ჯუჯები.
ტოტებს რა არ ჰკიდია; იქით - ოქროს თევზია, აქეთ - ვერცხლის ჩიტია.
დასკუპულა ბაჭია; ენას უყოფს ყურცქვიტას მაიმუნი პრანჭია.
ციცქნა დათვის ბელები, ჩაუბღუჯავთ თათებში ნუგები, ჩურჩხელები…
კუდით ჩამოკიდული, ციყვი გახლავთ ნამდვილი, არ გეგონოთ ფიტული.
შეჰხარიან ჯუჯები ხავსისგან მოქსოვილი აცვიათ ფაჩუჩები.
იმ ნაძვის ხის გარშემო, რა ამბავში არიან, შეგახედათ, ბავშვებო.
ჩვენი მთით და ბარითო, ასეთ ახალ წელიწადს მრავალს დაესწარითო! |
_1418944044.webp)
_1418943404.webp)
_1418944730.webp)
_1418951794.webp)
