|
დახუნძლული ვენახების კარი არის ღია: აქეთ კვახის გორებია, იქ ვაშლები ყრია. - დაკრიფეთო! - ხეხილები ტოტებს დაბლა ხრიან.
სიტკბო უდგას მტევანს. გოდრებს კალათს მივაშველებთ, აღარ არის ტევა. საწნახელში - ტაშფანდურა, ზვრებში - ღამის თევა.
გოდრიანი მანქანების გრიალს. უფრთხი თავზე გადმომზირალ მუშტისტოლა ქლიავს და ფოთლები ცეცხლისფერი ორღობეში ქრიან... ამას ჩვენი დალოცვილი შემოდგომა ჰქვია. |
