ეკრანზე შავი და მუქი ლურჯი ფერები ამძიმებს და თრგუნავს, ამიტომ უკეთესად გამოჩნდება ზომიერი ტონის, თითქმის შეუმჩნეველი მოხატულობის (ზოლებიანი) პიჯაკი.
განსაკუთრებული უპირატესობით გამოირჩევა ლურჯი, ყავისფერი, რუხი ყავისფერი, ნაცრისფერი და მუქი ნაცრისფერი შეფერილობის პიჯაკები. პერანგი არ უნდა იყოს თეთრი, რადგან თეთრი ფერი აირეკლება ეკრანზე, ჯობია ის ძნელად გასარჩევი ფერის იყოს. რეკომენდებულია ერთი ტონის პერანგები, რადგან ზოლები ეკრანზე ”თამაშობენ”.
შესაფერისი ჰალსტუხის შერჩევის დროს გახსოვდეთ, რომ წითელი ჰალსტუხის მკვეთრი ელფერი ხელს უშლის მკაფიო ფოკუსირებას. გაცილებით მომგებიანად - ლურჯი, მწვანე, იისფერი ან ყავისფერი ფერები გამოიყურება.
