კოლაუ ნადირაძე - შეხვედრა განმეორებით

იდუმალ ძალით შეერთებული

ჩვენ სარეცელზე ავიმართებით:

ორი ქიმერა გაფითრებული,

ორი ქიმერა დამტვრეულ ფრთებით.

გარდაიქცევა გილიოტინად

ღამე მაღალი, გადაკარგული:

ვგონებ გიყვარდა ოდესღაც, წინათ,

და დღეს ვართ ერთად ჯვარზე გაკრული.

ჩვენი სხეულნი კრთიან უფსკრულზე

გადახლართული ღამეში ძვლებით;

ვენ ერთი ძალა დაგვაკრავს გულზე,

ჩვენ ერთი ცეცხლით დავიფერფლებით.

მაგრამ ტკივილი არ დაგვშორდება,

როცა სიკვდილის დაგვფარავს ჩერო,

და ჟამთა სვლაში განმეორდება

ჩვენი შეხვედრა საბედისწერო.

შეიძლება დაგაინტერესოთ