|
ღამის პალიტრა... აკვარელის მკრთალი ფერები... მკაცრი ზამთარი. მკაცრი ყოფა. მკაცრი დილემა. მთვარის შუქ-ჩრდილი, დებიუსით ანაფერები და ნაგრიგალი, ნამეხარი განწყობილება. დეგა. ბოდლერი. რენუარი და... ექსპრესია!.. და სტიქიურად მოვარდნილი ჟინი ფერწერის, და დრამატული კოლორიტი და პოეზია! წყალი, ჰაერი, ცეცხლი, მიწა - დაუსაბამო... და "მულენ-რუჟი... და მონმარტრი... და მისტერია, და ისტერიაც, - უსასრულო და უსამანო. პირამიდები - უდაბნოთა დეკორაცია... ცა - გამჭვირვალე, მუქი ლურჯით დანაბინდები, და პოლ გოგენის და სეზანის მწვანე გრაცია. ტულუზ-ლოტრეკის არტისტული ციებ-ცხელება... ღამის კორიდა! - აკვარელით ანაფერები, ოდნავ შეშლილი პოეტური განწყობილება. |
პოეზიის გვერდი • • •  • • • თინათინ მღვდლიაშვილის პოეზია |
