გავუფრთხილდეთ უნდა სიყვარულის შავ ყუთს, მაგრამ ყუთში ხელი მაინც უნდა ჩავყოთ... რომ გავიგოთ - როგორ, რატომ, რისთვის, როდის... სიყვარული - მიდის... სიყვარული მოდის... აყოლილი მოდას - არ თაკილობს ღალატს... ზოგჯერ ისე - ვნებით... უფრო ხშირად - ძალად... სიყვარულის ყუთი - შავი. დახუფული. შეყვარებულები - ყველა დაღუპული... ტყუილები. შხამი. სიძულვილი. ფული... სიყვარულის ყუთი - შავი. დახუფული. არაფერი არ თქვა! არც მე ვიტყვი რამეს... ალერსი და ცრემლი... ბოლოს მაინც ღამე... ...საფლავს ვინ ვის სად ან რა მიზეზით უთხრის - ჩვენ გვიმალავს! კარგი! - უფალს მაინც უთხრას! რა ფასი აქვს ახლა ბრილიანტის ბეჭდებს! - ეძებს ქმარი ცოლის თითის ანაბეჭდებს... მოვერიდოთ უნდა... გავუფრთხილდეთ შავ ყუთს... მაგრამ ყუთში ხელი მაინც უნდა ჩავყოთ... |