შენი ედემი დამალოცვინე,

დამალოცვინე შენი ედემი,

შენს სიყვარულში არ მყავს მცილე,

შენ გენაცვალე,

შენ გევედრები.

ჩემს ლხინს გამყარე,

ჩემს ჭირს გამყარე,

მტერმა იცოცხლოს ამ ნასუფრალით,

შენი ძმადი ვარ,

შენი მაყარი,

შენი ჭირის და ლხინის უფალი.

ბედთან მორკინალს,

მტერთან მორკინალს,

მომეც ძალა და მომეც იმედი.

მომეცი ხმალე,

ამხსენ ბორკილი,

სიყვარულამდე მე ხმლით მოვედი.

სიყვარულამდე მე ხმლით მოვედი,

ვინც ვერ გაუძლო, იგი მკვდარია,

ჩემი სიცოცხლე, 

ასე მცირედი -

შენს სამსხვერპლოზე მომიტანია.