იობის რწმენა და მოთმინება

ებრძვის ამ ქვეყნის ამაოებას.

თუ სიყვარულმა მოსვლა ინება,

ეს ნიშნავს ღმერთთან მიახლოებას.

უფლის წინაშე თანაბარია

გული პოეტის, მეფის, მეგუთნის.

ცოცხალიც იყოს, მაინც მკვდარია,

გული სიყვარულს თუ არ ეკუთვნის.

როცა ამქვეყნად ყოფნა ძნელია,

კაცს სიყვარული უდგას ნუგეშად.

აბა, სიბერე რა სათქმელია,

სიყვარულს წლები ვინ დაუწესა.

თუმც ლამაზია გაზაფხულის ცა,

თოვლის ფიფქებიც ხომ სულს ანაზებს.

ყველა დროს, ყველა ასაკს კაცისას

აქვს თავის ეშხი და სილამაზე.

რისი ჭაბუკი, რისი ხნიერი,

ის არის ყველა სულის სალბუნი.

სული ყოველთვის არის მშიერი,

თუ სიყვარულით არ დავაპურეთ.

წლები და ფერი სიყვარულისა,

ვინ დათვალა და ვინ გაარჩია,

ამაღლებაა ცაში სულისა,

სულს კი ასაკი არ გააჩნია.