|
ყოველივე ქარია და ჩვენება! ოჰ, სიცოცხლეც უეცარი ქარია... მარადია ერთადერთი: შვენება. კარგად იცი, სულო, რომ სიზმარია, ყოველივე ქარია და ჩვენება. ნათქვამია, როგორც ძველი არია... მარადია, ერთადერთი: შვენება. მოსაწყენი, მგლოვიარე ზარია, ყველაფერი ქარია და ჩვენება. მხოლოდ მავნე ქვეყნის სულს უხარია, მარადია ერთადერთი: შვენება. როგორ მინდა, მაგრამ როგორ მწარეა... ყველაფერი ქარია და ჩვენება, |
პოეზიის გვერდი • • •  • • • გალაკტიონ ტაბიძის პოეზია |
