ჩვენი საიქაო-აბალახებული,

ჩვენი სააქაო-ატალახებული,

მე კი - ნამეტნავად და შენც - ნამეტნავად -

გალაღებული და გადალაღებული.

მამრი - ნამეტნავად აგიზგიზებული,

მდედრი - ნამეტნავად აკისკისებული,

ხოლო ნიკოფსიით დარუბანდამდისინ -

ფურთხი ღირსეული - აკაკისებური.

გადაეწყობიან გვიან კლავიშები,

ხმას აიმაღლებენ გვიან გავეშებით,

ადრე - ჩვენები და გვიან გარეშენი -

ყველას და ყველაფერს გვიანგარიშებენ.