აგრემც შენს გზაზე მენახოს
გაშლილი ვარდნი, იანი,
დამაკოცნინე ეგ ყური -
ნიჟარა მინანქრიანი.
მინდა შევსვა და შემერგოს,
ყური - თბილისის ფიალა
დავუყურადო რას ამბობს,
ასე რამ ააწკრიალა.
ან რა გუგუნი მოისმის,
მტრების მუქარა მზებნელი
ან რატომ გავხდი მგოსანი,
ახალი ხმების მძებნელი.
ყურის ნიჟარა მივიდე
ყურთან კი - არა, ბაგეზე,
საყურე - კოცნის დარაჯი,
ლექსის საწერად მაქეზებს.
აგრემც შენს გზაზე მენახოს
გაშლილი ვარდნი, იანი,
დამაკოცნინე ეგ ყური -
ნიჟარა მინანქრიანი.
