მოდი, მოდი, სადმე მივსხდეთ,

შევაგებოთ ბაგეს–ბაგე,

გამიხსენი მარწყვის ტუჩი,

მეტკბილე და მებადაგე...

რაც გენებოს, რაც გინდოდეს,

ჩამჩურჩულე სანატრელო,

შენებურად მომეფერე,

ცუდო, ცუდო, საძაგელო!

ვინ რა იცის, რა ტკბილია,

როგორ მიყვარს, როგორ მაბნევს...

შენი ერთი შემოხედვა,

ტრფობას როგორ მიორმაგებს...

ან რას ჰქვია იდილია,

ან რა არის სიყვარული,

ჯადოქრების ღიმილია,

თუ გრძნობათა ჟრიამული?

ჰოდა, მოდი, სადმე მივსხდეთ,

შევაგებოთ ბაგეს–ბაგე,

მოდი, მოდი, ჩამჩურჩულე,

მეტკბილე და მებადაგე!