|
წვიმა და ქარი ერთხელ ღამით, შემოდგომისას მძვინვარ ქარიშხლად გადაიქცა და იწყო ქროლა, დაიგუგუნა შუაღამის შავმა გრიგალმა, მიაწყდა ხეებს, ააკვნესა და აათრთოლა.
სანთელთა შუქმა ქარიშხალთან დაიწყო შებმა, მიირხ-მოირხა მოელვარე დიდი კანდელი და რეკვა იწყო მისმა მწვანე მინის მძივებმა.
ქარის აკორდად გარდაქმნილი ჩემი არსება. როგორ მწყუროდა ქარიშხალთან ერთად გაფრენა, ბრძოლა, სიცოცხლე, სიყვარული, სიამე, შვება! |
პოეზიის გვერდი • • •  • • • გალაკტიონ ტაბიძის პოეზია |
