გაგიჭირდა სიარული,

საწყლად წევხარ

მოგონებებს შორის, -

ერთი კოვზი სიხარული,

ერთი კოცნა სიყვარული,

ცხრა ფუთ წამალს

გირჩევნოდეს, მორის!

აგეკრძალა სამსახური,

გენატრება პაპიროსის ბოლი...

ერთი თვალით დანახული

ერთი ჭიქა გაზაფხული,

ცხრა სიგარეტს

გირჩევნოდეს, მორის!

უსტვენ... მაგრამ არ აფრინდა

შენს საწოლზე

შემომჯდარი ქორი, -

არაფერი აღარ გინდა...

ერთი ბღუჯა ბალახი და

ერთი მუჭა საქართველო, მორის!