ეს ცხოვრება დღემდე ისე გამივლია

გულს ღალატი არასოდეს გამივლია,

საფიცარი მქონდა მხოლოდ ერთი

ძმობისა და სიყვარულის ღმერთი.

ეს ცხოვრება დღემდე ისე გავიარე

არ ვუჩივი გულის არც ერთ ნაიარევს,

ვერ მჯობნიდა კაეშანი, დარდი,

გვერდით მყავდა მეგობარი ნაღდი.

გული გვქონდეს უღალატო ერთიანი

გაგვითენდეს დღე ნათელი, დღე მზიანი,

ვერაფერი მოგვერევა ქვეყნად

თუ ვიქნებით, თუ ვიქნებით ერთად.

თქვენი დარდი, ჩემი სევდა-ტკივილია,

თქვენი ლხინი სიმღერა და ღიმილია,

მეგობრობას წამოვუდგეთ ფეხზე, 

ალალ იყოს ეს სიმღერა თქვენზე!

შენს მზეს ვლოცავ, მეგობარო, შენ მზეს ვლოცავ!

შენს კაცობას, ბოლომდე რომ მიერთგულე,

ცოცხლებს ალალ სინდის-ნამუსს დაგილოცავთ,

ვინც წავიდა ვენაცვალე იმათ სულებს.

მეგობრობას წამოვუდგეთ ფეხზე,

ალალ იყოს ეს სიმღერა თქვენზე!