|
სვანეთში მივდივარ მთებში და… მიყვარხარ, ვინ იცის რარიგად, ეგების მწვერვალზე დავმშვიდდე, ბარში რომ ვშფოთავდი ღარიბად.
ნაპირებს ცრემლები მოვწმინდე. ფერდობზე წერწეტა ყვავილი მაგონებს შენს თავს და მოვწყვიტე.
მომწყინდა ბილიკზე წანწალი, მე შენზე ოცნებას ვუფრთხი და გულს მაინც ედება ხანძარი.
მიყვარხარ, ვინ იცის რა რიგად. ეგების ლატფარზე დავმშვიდდე, ბარში რომ ვშფოთავდი ღარიბად.
მივდივარ, გზა მხვდება ახალი. სვანეთში ბევრია მწვერვალი და შენ ხარ ყველაზე მაღალი. |
