|
არ მშორდება ჭირვეული მარტი, ჩამიქროლებს ქარით ეტლიანი. გამომტაცა ყველა მისამართი და ვერ შევძელ გზებზე ხეტიალი.
ჯერ მთებია, მერე მკრთალი ხევი. ჩემს ხელნაწერს ვერსად მივაგენი, ვერ ვიპოვე მოძმის ნაკვალევი.
ნუთუ მართლა დამელია ჯადო და სიცოცხლე, მხოლოდ ერთი ციდა, ყველა გამვლელს როგორ ვუწილადო.
სამი თვეა მეტად უღიმღამო. გულის ჯამში დამიგროვდა ჭვარტლი მოგიზგიზე სიყვარულის გამო. |
