|
შტეფანკირხეში გიხილე ერთხელ, ხელში გეჭირა ღვთისმშობლის ვარდი, შენ იყავ ბერტა, შენ იყავ გრეთხენ, შენ ბეთჰოვენის ოცნებას ჰგავდი.
და გესიზმრება შენ საქართველო. ვიცი, ბეთჰოვენს უბრუნებს სმენას შენი ორღანი და შენი ჩელო.
მგონი შენც გესმის ცაში, გამჩენო, შტეფანკირხეში თვით ღმერთი გლოცავს, მოთქვამს ორღანი და მღერის ჩელო.
როცა შენ გხედავ, მსურს ვარსკვლავს მივწვდე. დევს როიალზე, ვით შენზე ფიქრი, ცისფერი ვარდი "არ დაგავიწყდე".
შენზე ლამაზი სხვა ვინ მაჩვენოს?! უნდა გაკოცო აქ! ჯვართან ერთად სვეტიცხოველმაც რომ შემაჩვენოს.
ვიცი, რას ტირის შენს სულში ჩელო. ლამაზო, შენ თუ დამავიწყდები, მითხარი, ქვეყნად ვინ გავიხსენო?! |
