მთარგმნელი ბაჩანა ჩაბრაძე
|
კაბარეთა ხმაური, გარყვნილების მორევი, გაძარცული ჭადრები ქართა ნაამბორევი, ოთხთვალათა ჭრიჭინა ზორბა რკინის ბორბლები, ზლაზვნით მოგორავენი, შლამით დანადორბლები. მწკრივი დაღლილ მუშათა, ბნელთა და უსიერთა მხრჩოლავ ჩიბუხებითურთ ცხვირწინ პოლიციელთა, ოღროჩოღრო ქუჩები, სავსე ნამწვავ-ნაღვერდლით, ნესტი სახურავთაგან კედლებს ჩამონაღვენთი, წვიმის ჩამონაჟონი სავსე გუბე მრავალი, აი, ჩემი შარაგზა - ტაძრისაკენ მავალი. |
