კატეგორიები

წერილის გაგზავნა

lock პაროლის შეხსენება
ჯერ არ ხართ რეგისტრირებული?
უკვე ხართ რეგისტრირებული?
210 C
შაბათი, 30 აგვისტო 2025 06:53

 

 

 

თქვენ ხართ ინფანტა ესკურიალის

და მე აზიის ავი თავადი.

გაკრთობთ ხმაური ქვები კრიალის

და შორს ვერცხლივით ბრწყენს ირავადი.

ცხელ ესპანელთა გედური ყელით

გახვალთ ეკვატორს, ახალ რადიუსს.

და ჰაშიშებით ყოველთვის ელით -

სიზმრებს უხილავს და მარადიულს.

შხამიან ისრით და ბუმერანგით,

ტეხავს ინდუსი უვალ სავანნებს.

ყვითელ პალმებში ღია პერანგით

მე დედოფალი დღეს დამავანებს.

იწვის ბენარეს საფირ-ლალებით.

ბუდდა გადადის მშვიდ მლოცველებში

და ბედუინი აქ გამალებით

სირაქლემებზე მიჰქრის ველებში.

მე ამ სამოთხეს ძმურად დავენდე.

გამბანს ცოდვისგან ტალღები განგის.

აქ მზეებია და დემავენდი

და სხვა ქვეყნები ღვთაებრივ ბანგის!

 

პოეზიის გვერდი   • • •   პოეზია - შალვა კარმელი  • • •   შალვა კარმელის პოეზია

შეიძლება დაგაინტერესოთ