ამბობენ ლომმა შიმშილისგან რომ არ ეწამა,

გლეხთან თავლაში ავიდა და ძროხა შეჭამა

სანამ კისერი ძროხისათვის სურდა ეღრიცა,

გლეხს ხმაურისგან რა თქმა უნდა გამოეღვიძა.

ამასობაში თითქოს ბედის გასაცინებლად,

ლომი წამოწვა ძროხის ნაცვლად დასაძინებლად.

გლეხს კი შუქიც არ აუნთია ისე წამოდგა

და რადგან ღამე უმთვარო და ბნელი გამოდგა

ცოდნის წყურვილმა საცოდავი ისე აცდუნა,

რომ ლომს მუცელზე მშვიდად ხელი მოუცაცუნა.

ლომიც დარწმუნდა რა იმაში რომ არ დამფრთხალა

მიხვდა რომ გლეხმა სიბნელეში ძროხად ჩათვალა.

თუმცა ბნელოდა ის გონებით ნათლად ხედავდა,

გლეხი დღის შუქზე მის ფერებას ვერ გაბედავდა.

რადგან მაგვარად სინათლეზე სისხლის მნახველის

გაუსკდებოდა გლეხს შიშისგან ბუშტი ნაღველის.

ბრძენო შენც ფრთხილად გაიკვალე ცოდნის ფერდობი,

და მატყუარა გარეგნობას ნუ მიენდობი.