|
ნუგეშის სიტყვას შევთხზავ რაიმეს. წამალს, მალამოს, თუ რამ მიშველის. სიზმრად ვიხილე ერთხელ წამიერ თოვლისფერ ქალის თმები გიშერი. გადამეგრიხა მკლავებზე წამით, ღამე ბზინავდა როგორც მელანი და მიზავებდა იმ სიტკბოს შხამით. თავბრუდამხვევი ზმანება თეთრი, ვარსკვლავებს მიღმა ვინც ისევ მიფრენს და უცხო ნათელს თოვლისფრად ერთვის... და სიზმარს დავცქერ ამ სისხამ დილას, როგორც დასცქერდა ერთი გლახაკი ერბოთი სავსე დამსხვრეულ ქილას. |
პოეზიის გვერდი • • •  • • • ანზორ აბულაშვილის პოეზია |
